Solo Exhibition, art by Genti Tavanxhiu artist

Vendi i Deshmise dhe i Kujteses, Shkoder (Albania)

Artistët ngrenë stuhi dhe shkaktojnë tërmete në art, shpeshherë!

Me këtë frazë perlë të Kadaresë, gjej kënaqësinë ta çel këtë takim,ku asnjiherë më parë nuk ka patur përshtatje të plotë me këtë eveniment kulturor, që i ofrohet qytetit të Shkodrës nga artisti Genti Tavanxhiu! Pas ekspozitës së tij në Prishtinë, ai përjetoi pandeminë Covid-19 i mbyllur në vendlindjen e tij,shkaku i kësaj pjese të krijimtarisë së artistit e cila iu shfaq publikut shkodran.

Ekspozita”Damnatio Memoriae”e artistit Genti Tavanxhiu,sjell një”IDÉ”krejtësisht ndryshe! Perlat e skalitura në letër apo telajo, rrëfejnë një pikturë dramatike të errët, gjë që vetë artisti s’e kishte menduar kurrë më parë. Një rrugë e re e zbuluar kësaj here si rezultat i”Modus vivendi”disi të çuditshme, në lidhje me covid-19. Ne e dashurojmë artin në dy mënyra,, drejtpërdrejtë,pra përmes emocionit, ndjesisë që na krijon, si të themi, dashurisë me shikim të parë dhe tërthorazi, kësisoj bukuria artistike për t’u kuptuar lyp shpjegim përmes së cilit e kuptojmë dhe e dashurojmë atë ia dalim ta lexojmë dhe ta shohim më qartë, përtej figurës dhe ngjyrës së shkruar me penel.

Në këtë rast kemi të bëjmë me një bukuri ndryshe, bukurinë nëpërmjet përshkrimit! Shoh me vend ricitimin e Kadaresë:”Të gjithë flisnin këndshëm, në mënyrë kriminale këndshëm”,çka më ngjan në përputhje të saktë me këtë periudhë anormale ku gjendeshim të gjithë… Befas mendja zvarritet në ato errësira, hije qirinjsh të zbehur,kapërthehet në ato ëndrra që u vanitën dhe drita qirinjsh që u shuan në këtë Vend të Dëshmisë dhe Kujtesës,ku dëshira për fluturim ishte e kanosur…

Mankth i shndërruar në art, një duel i heshtur që zhvillohet në fill të errësirës së mendjes ku befasisht përfaqen fantazma, hije të përhimta dhe nga ku dalëngadalë imazhet marrin dritë dhe formë,bëhen të lexueshme për artistin dhe janë të gatshme për t’u hedhur në letër apo telajo, në mënyrë të posaçme dhe të përsosur.. Kultura nuk ndalet, arti edhe gjatë karantinimit nuk topitet, përkundrazi tek Genti shfaqet me ngjyra dhe përmasa të tjera.

Kultura nuk ndalet, asnje rrethane smund te ndal fluturimin dhe shpirtin e artistit..Kete rradhe pandemia ishte shkaku i devijimit te frymes artistike, drejt nje rryme tjeter..Pikture e errët e dramatike qe pershtatej me se miri me vendin ne te cilen zgjodhem qe ta paraqesim.
Per here te pare artisti Genti Tavanxhiu i kthehet vendlidjes me nje ekspozite vetjake, me nje ide krejt ndryshe, qe ndryshon totalisht nga vete krimtaria e tij e ketyre 25 viteve eksperience e karriere.
Eja ne Muze!
Ekspozita do qendroje e hapur deri me 30 Gusht 2020, Vendi i Deshmise dhe i Kujteses, Shkoder (ALBANIA)